തൃക്കരിപ്പൂര്‍ : സി കുഞ്ഞഹമ്മദ് മുസ്ലിയാരുടെ ജ്വലിക്കുന്ന ഓർമ്മകളുമായി ഒഴുകിയെത്തിയ ജനസാന്ചയം ത്രിക്കരിപ്പൂരിനെ പ്പാൽക്കടലാക്കി. 3 ദിവസമായി നടന്നു വരുന്ന പരിപാടിയുടെ സമാപന വേദി പ്രമുഖ പണ്ടിതരുടെയും സയ്യി ദന്മാരുടെ യും സാന്നിട്ധ്യത്താൽ ധന്യമായി. കാന്തതപു രം എ പി അബൂബക്കർ മുസ്ലിയാർ മുഖ്യ പ്രഭാഷണം നടത്തി.
ഗുജറാത്തിലെ മുഖ്യമന്ത്രിയുമായി ബന്ധപ്പെടുത്തി വന്ന വാര്‍ത്തകള്‍ സന്ദര്‍ഭത്തില്‍ നിന്ന് അടര്‍ത്തിയെടുത്തയതാണെന്ന് കാന്തപുരം എ.പി.അബൂബക്കര്‍ മുസ്‌ലിയാര്‍ വ്യക്തമാക്കി.
സുന്നീ പ്രസ്ഥാനത്തിന് ഗുജറാത്തില്‍ നിരവധി സ്ഥാപനങ്ങള്‍ ഉണ്ട്. അവിടേക്കുള്ള റോഡുകള്‍ മികച്ചതാണ്. മുഖ്യമന്ത്രി ആരാണെന്ന് നോക്കിയല്ല പശ്ചാത്തല സൗകര്യങ്ങള്‍ ആവശ്യക്കാര്‍ ഉപയോഗിക്കുന്നത്. അഹമ്മദാബാദില്‍ മര്‍ക്കസിന്റെ വിപുലമായ ഓഫീസ് പ്രവര്‍ത്തിക്കുന്നുണ്ട്. മുഖ്യമന്ത്രിയുടെ പേര് ഇനി പരാമര്ശിക്കുന്നില്ല. വിവാദങ്ങള്‍ കടലിലെ തിര പോലെയാണ്. ചിലപ്പോള്‍ ശൗര്യം കുറയുകയോ കൂടുകയോ ചെയ്യും. അതിനനുസരിച്ച് സുന്നി പ്രവര്‍ത്തനം ചിട്ടപ്പെടുത്താന്‍ സാധിക്കില്ല. എന്ത് ചെയ്താലും ദോഷം മാത്രം കാണുന്നവര്‍ക്ക് പടച്ചവന്‍ സന്മാര്‍ഗം കൊടുക്കട്ടെ എന്ന് മാത്രമാണ് പ്രാര്ത്ഥന.
മുശാവറ വൈസ് പ്രസിഡന്റ് എം.കെ.അബ്ദുറഹിമാന്‍ മുസ്‌ലിയാര്‍ ഉദ്ഘാടനം ചെയ്തു. അലി ബാഫഖി തങ്ങള്‍ അധ്യക്ഷത വഹിച്ചു. ടി.യൂസുഫ് മുസ്‌ലിയാര്‍ സ്മാരക മിനി ഓഡിറ്റോറിയം ശിലാസ്ഥാപനം കാന്തപുരം നിര്‍വഹിച്ചു. സി.കുഞ്ഞഹമ്മദ് മുസ്‌ലിയാര്‍ സ്മാരക പുരസ്‌കാരം മുഹമ്മദ് ഉമറുല്‍ ഫാറൂഖ് ഷിറിയ ആലിക്കുഞ്ഞി മുസ്‌ലിയാര്‍ക്ക് കൈമാറി. എം.ടി.അബ്ദുല്‍ ജലീല്‍ സഖാഫി സ്വാഗതവും അബ്ദുല്ലത്തീഫ് സഅദി പഴശി സാമാപന പ്രസം നടത്തി.
