മക്ക:
ഹജ്ജു കമ്മിറ്റി മുഖേന ഉദിനൂരില്‍ നിന്നും ഈ വര്ഷത്തെ
പരിശുദ്ധ ഹജിന്നായി എത്തിയ ഹാജിമാര്‍ വിശുദ്ധ നഗരത്തില്‍. കഴിഞ്ഞ
ദിവസം കരിപ്പൂര്‍ വിമാനത്താവളത്തില്‍ നിന്നും സൗദി എയര്‍ ലൈന്‍
വിമാനത്തില്‍ ജിദ്ദയില്‍ എത്തിയ ഹാജിമാര്‍ പരിശുദ്ധ മക്കയില്‍ എത്തി
ഉംറ നിര്‍വഹിച്ചു. രാത്രി പതിനൊന്നു
മണിയോടെ മക്കയില്‍ എത്തി ജീവിത സാഫല്യമായ ഉംറ
നിര്‍വഹിച്ച ഹാജിമാര്‍ മസ്ജിദുല്‍ ഹറമില്‍ ഇരുന്നു പ രിശുദ്ധ കഅബയെ
മുന്നില്‍ കണ്ടു കൊണ്ട് മനമുരുകി പ്രാര്‍ഥിച്ചു. ദി കറും -
ഖുറാന്‍ പാരായണവും ദുആയുമെല്ലാം ആദ്യ ദിനം മുഴുവന്‍ പ്രാര്‍ഥനയില്‍
മുഴുകി കഴിഞ്ഞു . അസീസിയയില്‍ ആണ് ഇവര്‍ക്കുള്ള താമസ സൌകര്യം ഒരുക്കിയിട്ടുള്ളത് . എകെ ഉസ്സൈനാര്‍, ഭാര്യ ടി. സുഹറ , നടകാവിലെ
ഖാലിദ് പോലീസ് , ഭാര്യ ഫാത്തിമ, പെരിയോത്തെ അബ്ദുല്‍
റഹ്മാന്‍ ഭാര്യ നഫീസ എന്നിവര്‍ ഇവരില്‍പ്പെടുന്നു. ഹജ്ജു
കര്‍മങ്ങള്‍ക്ക് ശേഷമേ ഇവര്‍ മദീനയി ലേക്ക് പോവുകയുള്ളൂ. മുജമ്മഉ ഹജ്ജ് സംഘം മുഖേനയും, വീ ഹെല്‍പ്പ് ഹജ്ജ് ഗ്രൂപ്പ് മുഖേനയും, ചുഴലി ഉസ്താദിന്റെ ഗ്രൂപ്പ് മുഖേനയും പുറപ്പെട്ട ഉദിനൂരിലെ ഹാജിമാര്‍ ഉംറ കര്‍മ്മം പൂര്‍ത്തിയാക്കി മദീനയിലേക്ക് തിരിച്ചിട്ടുണ്ട്.