ഉദിനൂര്‍: പരത്തിച്ചാല്‍ ബ്രദേഴ്സ് ആര്‍ട്സ് ആന്‍ഡ് സ്പോഴ്സ് ക്ലബ്ബിന്റെയും, കാഞ്ഞങ്ങാട് അഹല്യ ഫൌണ്ടേഷന്‍ കണ്ണാശുപത്രിയുടെയും സംയുക്ത ആഭിമുഖ്യത്തിലുള്ള നേത്ര പരിശോധനാ ക്യാമ്പ് ഇന്ന് (8 1 2011 ഞായര്‍) കാലത്ത് 9 മണിക്ക് ഉദിനൂര്‍ സുന്നി സെന്ററില്‍ നടക്കും.
'തെളിമയുള്ള കാഴ്ചയിലേക്ക് കൈ പിടിച്ചാനയിക്കാന്‍' എന്ന തലക്കെട്ടില്‍ നടക്കുന്ന ക്യാമ്പിന്റെ അന്തിമ ഒരുക്കങ്ങള്‍ പൂര്‍ത്തിയായതായി ഭാരവാഹികള്‍ അറിയിച്ചു. പരിപാടി ബ്രദേഴ്സ് ക്ല്ബ് പ്രസിടന്റ്റ് എം.കെ മുനീറിന്റെ അദ്ധ്യക്ഷതയില്‍ പടന്ന ഗ്രാമ പഞ്ചായത്ത് പ്രസിടന്റ്റ് സി.കുഞ്ഞി കൃഷ്ണന്‍ മാസ്റര്‍ ഉദ്ഘാടനം ചെയ്യും. വിവിധ സംഘടനാ പ്രതിനിധികള്‍ ആശംസ നേരും.
പ്രഗല്‍ഭ ഡോക്ടര്‍മാരുടെ നേതൃത്വത്തില്‍ നടക്കുന്ന ക്യാമ്പില്‍ തെരഞ്ഞെടുക്കുന്ന രോഗികള്‍ക്ക് സൌജന്യ ശസ്ത്രക്രിയയും, കണ്ണട നിര്‍ദ്ദേശിക്കപ്പെടുന്ന രോഗികള്‍ക്ക് സൌജന്യ നിരക്കില്‍ കണ്ണടയും ലഭ്യമാകും. ശാസ്ത്രക്രിയ നിര്‍ദ്ദേ ശിക്കപ്പെടുന്ന രോഗികളുടെ യാത്ര, ഭക്ഷണം എന്നിവക്കുള്ള ചിലവുകള്‍ ക്ലബ്ബ് വഹിക്കുമെന്ന് ഭാരവാഹികള്‍ അറിയിച്ചു. മറ്റു നേത്ര രോഗമുള്ളവര്‍ക്ക് സൌജന്യ നിരക്കില്‍ തുടര്‍ ചികിത്സയും ലഭ്യമാകും.