വിവാഹ സംഘം പുറപ്പെട്ടു.
ദുബൈ: അടുത്ത ദിവസം വിവാഹിതരാകുന്ന ഉദിനൂരിലെ ടി.സി.ആബിദ്, ടി.സി. അബ്ദുല്‍ ബാസിത്ത്, എ.സി.ശബീര്‍ എന്നിവര്‍ ഇന്നലെ (20.09.2010) ദുബൈയില്‍ നിന്നും നാട്ടിലേക്ക് പുറപ്പെട്ടു. അടുത്തടുത്ത ദിവസങ്ങളില്‍ ഒരേ കുടുംബത്തില്‍ നിന്നും മൂന്ന് പേരുടെ വിവാഹം എന്ന അപൂര്‍വ്വ സംഭവത്തിന് സാക്ഷ്യം വഹിക്കാന്‍ പോവുകയാണ് ഉദിനൂര്‍ ഗ്രാമം. സെപ്ത 24 വെള്ളിയാഴ്ച ഉദിനൂര്‍ ജുമാ മസ്ജിദില്‍ വെച്ച് ശബീറിന്റെയും, ബാസിത്തിന്റെയും നിക്കാഹ് നടക്കും, ആബിദിന്റെ നിക്കാഹ് 26 ഞായറാഴ്ച പേക്കടം പള്ളിയിലാണ് നടക്കുക.
മൂവരുടെയും കല്യാണത്തില്‍ സംബന്ധിക്കുവാനായി ബന്ധുക്കളുടെയും, സുഹൃത്തുക്കളുടെയും ഒരു നിരതന്നെ ദുബൈയില്‍ നിന്നും നാട്ടിലെത്തുന്നുണ്ട്.
രണ്ട് മാസങ്ങള്‍ക്ക് മുന്‍പ് ഒരേ വീട്ടില്‍ നിന്നും രണ്ട് പേരുടെ വിവാഹത്തിന് മഹല്ല് നിവാസികള്‍ സാക്ഷ്യം വഹിച്ചിരുന്നു. പരത്തിച്ചാലിലെ പുത്തലത്ത് മുഹമ്മദ് കുഞ്ഞി, അബ്ദുറശീദ് എന്നീ സഹോദരങ്ങളായിരുന്നു അന്ന് ഒരേ ദിവസം വിവാഹിതരായത്.