അക്രമിയുടെ അടിയേറ്റ് മരിച്ചു

തൃക്കരിപ്പൂര്‍: വഴക്ക് തടയാന്‍ ചെന്നയാള്‍ അടിയേറ്റ് മരിച്ചു. ആയിറ്റി ജുമാ മസ്ജിദിനു സമീപം താമസിക്കുന്ന വടക്കുമ്പാട്ടെ എം.എ. ശാഹുല്‍ ഹമീദ് (52) ആണ് അക്രമിയുടെ അടിയേറ്റ് മരിച്ചത്. (ഇന്ന് 13.09.10) രാത്രി തൃക്കരിപ്പൂര് മൃഗാശുപത്രിക്ക് സമീപമുള്ള ബന്ധുവിന്റെ വാടക ക്വാര്‍ട്ടേസിലെ‍ താമസക്കാരനായ ആളെ മറ്റൊരാള് മര്‍ദിക്കുന്നത് കണ്ട ശാഹുല്‍ ഹമീദ് തടയാന്‍ ചെന്നപ്പോളാണ്‌ അടിയേറ്റത്. ഉടനെ തൃക്കരിപ്പൂരിലെ ഒരു സ്വകാര്യ ആശുപത്രിയിലെത്തിച്ചുവെങ്കിലും അപ്പോഴേക്കും മരണം സംഭവിച്ചിരുന്നു. യുവാക്കളുടെ ആക്രമണത്തില്‍ ക്വാര്‍ട്ടേഴ്സ് താമസക്കാരനായ ഷാഫിക്ക് പരിക്കേറ്റിറ്റുണ്ട്. ചന്തേര പോലീസ് എത്തി മയ്യിത്ത് പരിയാരം മെഡിക്കല്‍ കോളെജിലേക്ക് മാറ്റി.

ഉദിനൂറ് ആവാശ് മസ്ജിദിനടുത്ത് താമസിക്കുന്ന എം.ഖദീജ അദ്ധേഹത്തിന്റെ പിത്ര് വ്യ സഹോദരിയാണ്. ഇടയ്കിടെ ഉദിനൂരിലെത്തി തന്റെ സഹോദരിയെ സന്ദറ്ശിക്കാറുള്ള അദ്ധേഹം ഇന്നലെയും ഉദിനൂരിലെത്തിയിരുന്നു. നാട്ടില് ഇലക്ട്രീഷ്യനായി ജോലി ചെയ്യുന്ന ശാഹുല് ഹമീദ് ദീറ്ഘ കാലം ദുബൈയിലും ഇലക്ട്രീഷ്യന്റെ ജോലി ചെയ്തിരുന്നു.

ഭാര്യ എന്‍.ഇ ബീഫാത്തിമ. മക്കള്‍ ഫൌസിയ, ശുഹൈബ്, ഹബീബ, സീനത്ത് , സുഹൈല മരുമക്കള്‍ അഷ്‌റഫ്‌, ഹബീബ്. ത്രിക്കരിപ്പൂര്‍ പഞ്ചായത്ത് മുസ്ലിം ലീഗ് സെക്രട്ടറി സത്താര്‍ വടക്കുമ്പാടിന്റെ അമ്മാവനാണ്.