കേരള ആംഡ് പോലീസ് നാലാം ബറ്റാലിയനില്‍ പരിശീലനം പൂര്‍ത്തിയാക്കിയ ഉദിനൂര്‍

പരത്തിച്ചാലിലെ ടി.സി.ഖലീഫ പാസിംഗ് ഔട്ട്‌ പരേഡിന് ശേഷം  ഫോട്ടോക്ക് പോസ് ചെയ്തപ്പോള്‍

 ടി.സി.ഖലീഫ പോലീസ് ബിരുദം ഏറ്റുവാങ്ങി

കണ്ണൂര്‍: ഉദിനൂര്‍ മഹല്ല് എസ്.വൈ.എസ് മുന്‍ സെക്രട്ടറി ടി.സി.ഖലീഫ സിവില്‍ പോലീസ് ഓഫീസര്‍ ബിരുദം ഏറ്റുവാങ്ങി. കണ്ണൂര്‍ മാങ്ങാട്ട് പറമ്പിലുള്ള പോലീസ് ആസ്ഥാനത്ത് ഇന്ന് (4 .3 .11 വെള്ളി) കാലത്ത് നടന്ന പാസിംഗ് ഔട്ട്‌ പരേഡില്‍ ഉന്നത പോലീസ് ഓഫീസര്‍മാരുടെ കയ്യില്‍ നിന്നും ഖലീഫയോടൊപ്പം മറ്റ് 400 പേരും സിവില്‍ പോലീസ് ഓഫീസര്‍ ബിരുദം ഏറ്റുവാങ്ങുകയുണ്ടായി.

ചടങ്ങ് വീക്ഷിക്കാനായി വന്‍ ജനാവലിയാണ് പുലര്‍ച്ചെ തന്നെ പോലീസ് ആസ്ഥാനത്ത് എത്തിച്ചേര്‍ന്നത്. ഉദിനൂരില്‍ നിന്നും ഖലീഫയുടെ ബന്ധുക്കളും, സുഹൃത്തുക്കളും ചടങ്ങ് നേരില്‍ കാണാനെത്തി. 6 മാസം മുമ്പ് ഖലീഫയുടെ അയല്‍വാസിയും, എസ്.എസ്.എഫ് പ്രവര്‍ത്തകനുമായ എന്‍.ഫൈസലും സിവില്‍ പോലീസ് ഓഫീസര്‍ ബിരുദം നേടിയിരുന്നു.

ഉദിനൂര്‍ പരതിച്ചാലിലെ ഏ.കെ. അഹമ്മദ്, ടി.സി ഖദീജ ദമ്പതികളുടെ മൂന്നാമത്തെ പുത്രനാണ് ഖലീഫ. കുറച്ചു കാലം ഉദിനൂര്‍ സുന്നി സെന്ററി നടുത്തുള്ള ഏ.കെ സ്റോറില്‍ കച്ചവടം നടത്തിയിരുന്നു.

ഖലീഫ കൈവരിച്ച ഈ നേട്ടത്തില്‍ ഉദിനൂര്‍ മഹല്ല് എസ്.വൈ.എസ്, എസ്.എസ്.എഫ് നേതാക്കള്‍ അഭിനന്ദനങ്ങള്‍ അറിയിച്ചു. ഈ സന്തോഷ നിമിഷത്തില്‍ ഞങ്ങളും പങ്കു ചെരുന്നുവെന്നും ഞങ്ങളുടെ സഹ പ്രവര്‍ത്തകരായ ഖലീഫാക്കും, ഫൈസലിനും അര്‍ഹമായ ആദരവ് നല്‍കുമെന്നും നേതാക്കള്‍ പറഞ്ഞു.

.