ദുബായ്: നിര്‍ദിഷ്ട കണ്ണൂര്‍ എയര്‍പോര്‍ട്ട് പദ്ധതിയില്‍ നിക്ഷേപത്തിന് ആഗ്രഹിക്കുന്ന പ്രവാസികള്‍ക്ക് ഓഹരി അപേക്ഷയും പണമടയ്ക്കാനുള്ള സൗകര്യവും യു.എ.ഇ. എക്‌സ്‌ചേഞ്ച് സജ്ജീകരിച്ചിരിക്കുന്നു. എല്ലാ ശാഖകളിലും അപേക്ഷാഫോറം ലഭ്യമാണ്. ജനവരി 31 വരെയാണ് ഇപ്പോള്‍ ഓഹരി അപേക്ഷകള്‍ സ്വീകരിക്കുന്ന സമയപരിധിയായി അറിയിച്ചിരിക്കുന്നത്. അതുകൊണ്ട് താത്പര്യമുള്ളവര്‍ക്ക് വേഗത്തില്‍ത്തന്നെ യു.എ.ഇ.എക്‌സ്‌ചേഞ്ച് സന്ദര്‍ശിച്ച് നടപടിക്രമങ്ങള്‍ പൂര്‍ത്തീകരിക്കാവുന്നതാണ്. നൂറു രൂപ വീതം വിലയുള്ള 2001 ഓഹരികളെങ്കിലും ഒരാള്‍ എടുക്കണമെന്നാണ് ഔദ്യോഗിക നിര്‍ദേശം. കൂടുതല്‍ വിവരങ്ങള്‍ 04 3535350 എന്ന നമ്പറില്‍ ലഭ്യമാണ്.
Head Line
