എസ്‌. എസ്‌. എഫ്‌ സാഹിത്യോത്സവ്‌ ആരംഭിച്ചു

ഉദിനൂർ: എസ്‌. എസ്‌. എഫ്‌ ത്രിക്കരിപ്പൂർ സെക്ടർ സാഹിത്യോത്സവ്‌ ഉദിനൂർ സുന്നി സെന്ററിൽ ആരംഭിച്ചു.

സെക്ടറിനു കീഴിലെ 5 യൂനിറ്റുകളിൽനിന്നും തെരഞ്ഞെടുക്കപ്പെട്ട പ്രതിഭകൾ 61 മത്സര ഇനങ്ങളിലായി തങ്ങളുടെ സർഗ്ഗ വൈഭവം മാറ്റുരക്കും.

സെക്ടറിലെ വിജയികൾ ജില്ലാ തലത്തിലും, ജില്ലയിലെ ജേതാക്കൾ സ്റ്റേറ്റ്‌ തലത്തിലും മത്സരിക്കും.
ഹുസൈൻ സഖാഫി ആയിറ്റിയുടെ അദ്ധ്യക്ഷതയിൽ ആരംഭിച്ച ചടങ്ങ്‌ എം. ടി. പി ഇസ്മായിൽ സ അദി ഉൽഘാടനം ചെയ്തു. ടി.പി മഹമൂദ്‌ ഹാജി, നഷാദ്‌ മാസ്റ്റർ, എൻ.അബ്ദുൽ റഷീദ്‌ ഹാജി, സി. അബ്ദുൽ ഖാദർ സംബന്ധിച്ചു.

രണ്ട്‌ പതിറ്റാണ്ടിലധികമായി നടക്കുന്ന എസ്‌. എസ്‌. എഫ്‌ സാഹിത്യോത്സവുകൾ ഇന്ത്യയിലെ ഏറ്റവും വലിയ ധാർമ്മിക കലാ വേദിയാണു.