ഉദിനൂര്‍ സുന്നി സെന്റര്‍ ഓഡിറ്റോറിയം നവീകരിക്കുന്നു

ഉദിനൂര്‍: ശാഖാ എസ്.വൈ.എസ്, എസ്.എസ്.എഫ്, യു.ഡബ്ല്യു.സി തുടങ്ങിയ സംഘടനകളുടെ  ആസ്ഥാനമായ ഉദിനൂര്‍ സുന്നി സെന്ടരിനോടനുബന്ധിച്ചുള്ള ഓഡിറ്റോറിയം കൂടുതല്‍ സൌകര്യത്തോടെ നവീകരിക്കുന്നു. ഇതിനായുള്ള പ്രാരംഭ പ്രവര്‍ത്തനങ്ങള്‍ ആരംഭിച്ചു.


സുന്നി സെന്ററില്‍ മാസാന്തം നടന്നു വന്നിരുന്ന ദിക്ര്‍ ഹല്‍ഖക്ക് എത്തുന്ന വിശ്വാസികളെ ഉള്‍ക്കൊള്ളാന്‍ സ്ഥല പരിമിതി നേരിട്ടപ്പോള്‍ 2007 ല്‍ അബൂദാബി ശാഖാ എസ്.വൈ.എസിന്റെ സഹകരണത്തോടെ  ആയിരുന്നു  സെന്ററില്‍ ഒരു ഓഡിറ്റോറിയം നിര്‍മ്മിച്ചത്.  ഇതോടനുബന്ധിച്ച് എസ്.വൈ.എസ്  മുന്‍ പ്രസിടന്റ്റ് പരേതനായ മര്‍ഹൂം ഓ.ടി.മമ്മു ഹാജിയുടെ സ്മരണാര്‍ത്ഥം അദ്ധേഹത്തിന്റെ മക്കള്‍  നിര്‍മ്മിച്ച ഒരു സ്റ്റേജും ഉള്‍ക്കൊള്ളുന്നു.


ദിക്ര്‍ ഹല്‍ഖക്ക് പുറമേ സംഘടനയുടെ പൊതു പരിപാടികളും ഈ ഓഡിറ്റോറിയത്തില്‍ നടന്നു വരാറുണ്ട്.നവീകരണ പ്രവര്‍ത്തനങ്ങള്‍ പൂര്‍ത്തിയായാല്‍ ഇതര സംഘടനകള്‍ക്കും  പരിപാടികള്‍ സംഘടിപ്പിക്കാനുള്ള സംവിധാനം ലഭ്യമാകുമെന്ന് ബന്ധപ്പെട്ടവര്‍ അറിയിച്ചു.

സുന്നി സെന്ററില്‍ സ്ഥിരം ഓഫീസ് സെക്രട്ടറി

ഉദിനൂര്‍: സുന്നി സെന്ററിന്റെ ദിനം ദിന കാര്യങ്ങള്‍ നിയന്ത്രിക്കാനും, പ്രവര്‍ത്തനങ്ങള്‍  ഊര്‍ജ്ജിതപ്പെടുത്തുവാനും, ലൈബ്രറി സംവിധാനം കൂടുതല്‍ വിപുലീകരിക്കുവാനും ആയി ഒരു സ്ഥിരം ഓഫീസ് സെക്രട്ടറിയെ നിയോഗിച്ചു. തൃക്കരിപ്പൂര്‍ ഡിവിഷന്‍  എസ്.എസ്.എഫ് മുന്‍ സക്രട്ടറി ആയ മുഹമ്മദ്‌ ഷക്കീര്‍ ആണ് പുതുതായി ചുമതല ഏറ്റ ഓഫീസ് സെക്രട്ടറി.  സംഘടനയെക്കുറിച്ചുള്ള വിവരങ്ങള്‍ അറിയന്നും, പുതിയ നിര്‍ദ്ദേശങ്ങള്‍  സമര്‍പ്പിക്കാനും udinoorsys@yahoo.com എന്ന ഇ മയില്‍  വിലാസത്തിലോ, 2210986  എന്ന നമ്പറിലോ ബന്ധപ്പെടാവുന്നതാണ്.  

===============================================