അബുദാബി : ഉദിനൂര്‍ ഖാദിമുല്‍ ഇസ്ലാം ജമാഅത്ത് യു എ ഇ കമ്മിറ്റി യുടെ ആഭിമുഖ്യത്തില്‍ സംഘടിപ്പിക്കുന്ന ഈ വര്‍ഷത്തെ ഈദ് സംഗമം 2011 ബലി പെരുന്നാള്‍ ദിനത്തില്‍ വൈകുന്നേരം ഉദ്യാന നഗരിയായ അല്‍ഐനില്‍ വെച്ച് നടക്കുമെന്ന് ഭാരവാഹികള്‍ പത്രകുറിപ്പില്‍ അറിയിച്ചു .
അല്‍ ഐനിലെ കാരിഫോറിനടുത്തുള്ള ടോപ്‌ ഫൈവ് റസ്റ്റ്‌റ്റോരണ്റ്റില്‍ വെച്ച് നടക്കുന്ന സംഗമത്തില്‍ യു എ യിലെ വ്യത്യസ്ത മേഖലകളില്‍ വ്യക്തി മുദ്ര പതിപ്പിച്ച മഹല്ല് നിവാസികളെ ആദരിക്കല്‍ ചടങ്ങ് , മഹല്ലിലെ പൂര്‍വ വിദ്യാര്‍ഥികള്‍ അവതരിപ്പിക്കുന്ന ദഫ് മുട്ട് , മാപ്പിളപ്പാട്ട് , സമൂഹഗാനം , ചര്‍ച്ചകള്‍ , കൊച്ചു വിദ്യാര്‍തികളുടെ വിവിധ യിനം കലാപരിപാടികള്‍ എന്നിവ അരങ്ങേറും . പരിപാടിയുടെ വിജയത്തിനായി അല്‍ ഐനില്‍ വെച്ച് നടന്ന യോഗത്തില്‍ എ.ജി.സി അബ്ദുല്‍ നാസര്‍ (ചെയര്‍മാന്‍) , എം കെ അഷ്‌റഫ്‌ ( പ്രോഗ്രാം കമ്മിറ്റി കണ്‍വീനര്‍ ), ടി മുനീര്‍ (ട്രഷറര്‍ )എന്നിവരടങ്ങുന്ന കമ്മിറ്റിക്ക് രൂപം നല്‍കി പ്രവര്‍ത്തനം ആരംഭിച്ചു . കഴിഞ്ഞ രണ്ടു വര്‍ഷങ്ങളില്‍ ദുബായ് , അബുദാബി , എന്നിവിടങ്ങളില്‍ ആയി നടന്ന ഉദിനൂര്‍ സംഗമം , ഈ വര്‍ഷം ഉദ്യാന നഗരിയായ അല്‍ഐനിനെ സാക്ഷിയാക്കി , മഹല്ലിലെ യു എ യിലുള്ള മുഴുവന്‍ നിവാസികളെയും പങ്കെടുപ്പിച്ചു കൊണ്ട് അത്യപൂര്‍വ സംഗമം തീര്‍ക്കാനുള്ള ഒരുക്കത്തിലാണ് സംഘാടകര്‍ .