ദമാം: ഇന്ത്യയും സൗദി അറേബ്യയും തമ്മിലുള്ള ഉഭയകക്ഷിബന്ധത്തെക്കുറിച്ച് വിദേശകാര്യ സഹമന്ത്രി ഇ. അഹമ്മദ് സൗദി വിദേശകാര്യ സഹമന്ത്രി ഡോ. നിസാര് ഉബൈദ് മദനിയുമായി ചര്ച്ച നടത്തി.സൗദി അറേബ്യയുടെ തലസ്ഥാനമായ റിയാദില് മൂന്നു ദിവസത്തെ സന്ദര്ശനത്തിനെത്തിയതായിരുന്നു ഇ. അഹമ്മദ്.
സൗദി തൊഴില് മന്ത്രിയുമായി നടത്തിയ ചര്ച്ച ഏറെ പ്രതീക്ഷകള് നല്കുന്നതായി വിദേശകാര്യ സഹമന്ത്രി ഇ. അഹമദ് പറഞ്ഞു . ഇന്ത്യന് സമൂഹം അഭിമുഖീകരിക്കുന്ന നിരവധി വിഷയങ്ങളില് ധാരണകളില് എത്തിയതായും അദ്ദേഹം വ്യക്തമാക്കി . വിസ തട്ടിപ്പ്, തൊഴില് പീഡനങ്ങള്, ഒളിച്ചോട്ടം അഥവാ ഹുരൂബ് തുടങ്ങി നിരവധി വിഷയങ്ങളില് സൗദി തൊഴില് സഹമന്ത്രി ഡോ. അബ്ദുല് വാഹിദ് ഹുമൈദ്, വിദേശകാര്യ സഹമന്ത്രി ഡോ. നിസാര് ഉബൈദ് എന്നിവരുമായി ആശയകൈമാറ്റം നടത്തിയതായും അറിയുന്നു. മൂന്നു ദിവസത്തെ ചുരുങ്ങിയ സമയത്തിനുള്ളില് നടത്തിയ ഒട്ടേറെ ചര്ച്ചകളുടെ ഫലതിന്നായി പ്രവാസികള് ഏറെ പ്രതീക്ഷയോടെ കാത്തിരിക്കുകയാണ് .
ന്യൂസ് ഡസ്ക്ക് സൗദി അറേബ്യ .