ദമ്മാം; ദിവസങ്ങളോളം തിമര്‍ത്തു പെയ്തു നിന്ന മഴയ്ക്ക്‌ ഒപ്പം പാതിരാവില്‍ ചില കെട്ടിടങ്ങള്‍ക്ക് കുലുക്കം അനുഭവപ്പെടുകയും ചെയ്തതോടെ ജനം പരിഭ്രാന്തിയിലായി ...കഴിഞ്ഞ ദിവസം രാത്രിയിലാണ് ദമാമിന്റ്റെ വിവധ ഭാഗങ്ങളിലുള്ള പല കെട്ടിടങ്ങളിലും പാതിരാവിന്റ്റെ മറവില്‍ നേരിയ തോതിലുള്ള കുലുക്കങ്ങള്‍ അനുഭവപെട്ടത്‌ .
ഉയരമുള്ള കെട്ടിടങ്ങളിലാണ് കൂടുതലായും ചലനം അനുഭവപെട്ടത്‌ . രാത്രയില്‍ കിടന്നുറങ്ങുകയായിരുന്ന പലരും ശബ്ദം കേട്ട് എന്താണെന്നു അറിയാതെ റോഡുകളിലേക്ക് ചിതറി ഓടി ഇറങ്ങുകയായിരുന്നു ....ചിലരാകട്ടെ ഒന്നും അറിയാതെ റൂമില്‍ കിടന്നുറങ്ങുന്ന സുഹൃത്തുക്കളെ വിവരം അറിയിക്കാനുള്ള വിഭ്രാന്തിയിലായിരുന്നു . ദമ്മാമിലെ സീക്കോ ബില്ടിങ്ങിനു പരിസരമുള്ള കെട്ടിടങ്ങളില്‍ എല്ലാം കുലുക്കം അനുഭവപ്പെട്ടിരുന്നു . ആയതിനാല്‍ സീക്കോ പരിസരത്തെ റോഡുകളില്‍ പാതിരാവില്‍ ജനകൂട്ടമായിരുന്നു . ഇതിനിടയില്‍ ടീവിയിലൂടെ പാകിസ്ഥാനില്‍ ഭൂകമ്പം ഉണ്ടായി എന്നവിവരം പലരിലും എത്തിയതോടെ പരിഭ്രാന്തിക്ക് ആക്കം കൂടി . കുടുംബത്തോടൊപ്പം വീടുകളില്‍ നിന്നു സംസാരിച്ചു കൊണ്ടിരിക്കെ സ്വീകരണ മുറിയിലെ ടീവികളും , മേശകളും കുലുങ്ങുന്നതായി പലര്‍ക്കും അനുഭവപെട്ടു , എന്നാല്‍ ഇത് തോന്നല്‍ മാത്രമാണെന്ന് കരുതിയിരുന്നവര്‍ക്ക് പുറത്തെ റോഡുകളിലെ ബഹളം കേട്ടപോഴാണ്
സത്യാവസ്ഥ മനസ്സിലായത് .
അപ്രതീക്ഷിതമായി എത്തിയ കുലുക്കം മൂലം റോഡുകളില്‍ കൂടിയ ജനം കൊടും തണുപ്പില്‍ മണികൂരുകളോളം കഴിയേണ്ടി വന്നു . അല്‍ കൊബാറിലെ സുബേക ഏരിയയിലെ ഏറെ പഴക്കമുള്ള ബില്ടിങ്ങിന്റ്റെ സന്ശൈട് തകര്‍ന്നു വീണു ചില വാഹനങ്ങള്‍ പാടെ തകര്‍ന്നു പോയിട്ടുണ്ട് ..
പുലര്‍ച്ചെ മൂന്നു മണിയോടെ വിവരങ്ങള്‍ അറിഞ്ഞെത്തിയ പോലീസ് - ഡിഫന്‍സ് വിഭാഗം സ്ഥിതിഗതികള്‍ വിലയിരുത്തുകയും , ജനങ്ങളെ പറഞ്ഞു സമാധാനിപ്പിച്ചു വീടുകളിലേക്ക് തിരിച്ചയക്കുകയും ചെയ്തു ...എന്നാല്‍ പരിഭ്രാന്തി പൂണ്ട ജനം പേടി പുരണ്ട മുഖവുമായി അവരവരുടെ റൂമുകളിലേക്ക് തിരിച്ചു .