ജിദ്ദ; ചരിത്രത്തില്‍ തന്നെ ആദ്യമായി ഹാജിമാരുടെ വിമാന യാത്ര സര്‍വീസില്‍ എയര്‍ ഇന്ത്യക്ക് സ്ഥാനമില്ലാതായി. ഇതാദ്യമായാണ് ഹാജിമാരുടെ വരവിലും മടക്കയാത്രയിലും എയര്‍ ഇന്ത്യയുടെ സര്‍വീസ് സ്ഥാനം ഇല്ലാതാകുന്നത് . മാത്രമല്ല എയര്‍ ഇന്ത്യ ഇനി ആരുടെയും പഴി കേള്കാനും തയ്യാറല്ലത്രേ. സര്‍വീസ് അരഭിച്ച കാലം മുതല്‍ എന്നും ജനങ്ങളുടെ പഴി മാത്രം കേട്ടു വളര്‍ന്ന എയര്‍ ഇന്ത്യക്ക് ദൂരെ മാറിനിന്നു സൂക്ഷ്മമായി വീക്ഷിക്കാനുള്ള ഒരു അവസരം കൂടിയായിത് .
സാധാരണ എല്ലാ വര്‍ഷവും ഇന്ത്യന്‍ സിവില്‍ വ്യോമയാന വകുപ്പ് വിമാന കമ്പനികളില്‍ നിന്ന് ആഗോള ടെണ്ടര്‍ വിളിക്കുകയും അതില്‍നിന്നും മെച്ചപെട്ട കൊട്ടേഷന്‍ സ്വീകരിക്കുകയായിരുന്നു പതിവ് . എന്നാല്‍ ഈ വര്‍ഷമാകട്ടെ സൗദി എയര്‍ ലൈന്സിന്നും , നാസ് എയര്‍ ലൈന്സിന്നും ഭാഗ്യം തുണയാവുകയായിരുന്നു . അതെ സമയം എയര്‍ ഇന്ത്യ സവീസിന്നു പകരം ഏറെ കൊട്ടിഘോഷിച്ചു സൗദി എയര്‍ ലയ്ന്സു സര്‍വീസ് ആരംഭിച്ചെങ്കിലും ആദ്യ സര്‍വീസില്‍ തന്നെ മെല്ലെ കാലൊന്ന് ഇടറി , ഇന്ത്യയിലെ ഹജിമാരെയും വഹിച്ചു ശനിയാഴ്ച മദീനയില്‍ എത്തേണ്ട വിമാനം ഏറെ വൈകിയാണത്രേ എത്തിയത് എന്നാണ് ഒടുവില്‍ കിട്ടിയ വിവരം. ഏതായാലും വൈകി പറക്കലും , പൈലറ്റ് മാരുടെ കടുംപിടുത്തം മൂലമുള്ള വിമാനം റദ്ധാക്കലും അനന്ധമായി നീളുന്ന ഷെഡ്യൂള്‍ മാറ്റവും , സൗദി എയര്‍ ലയ്ന്സിനു ഉണ്ടാവില്ലെന്ന് നമുക്ക് പ്രതീക്ഷിക്കാം .
ഇസ്മായില്‍ ടി ജിദ്ദ
.