മക്ക ; ത്യാഗതിന്റ്റെയും സമര്‍പ്പണതിന്റ്റെയും പാതകള്‍ പിന്‍പറ്റി വിശുദ്ധ ഹജ്ജു കര്‍മങ്ങള്‍ക്ക് പ്രാരംഭം കുറിക്കാന്‍ തമ്പുകളുടെ നഗരമായ മിനാ താഴ്വരയിലേക്ക് തീര്താടക ലക്ഷങ്ങളുടെ പ്രവാഹം തുടങ്ങി. ഇതോടെ മിനാ നഗരം ഭക്തി സാന്ദരമായ അന്തരീക്ഷത്താല്‍ ജനസാഗരമായി മാറി .
ദുല്‍ ഹജ്ജു എട്ടിന്റ്റെ ഇന്നത്തെ രാത്രി തീര്‍ഥാടകര്‍ മിനായില്‍ പ്രാര്‍ത്ഥനകളിലും തക്ബീര്‍ ദ്വനികളിലുമായി കഴിഞ്ഞു കൂടും. ശനിയാഴ്ച ഉച്ചയോടെ തന്നെ മക്കയിലുള്ള ഹജിമാരെല്ലാം മിനായിലേക്ക് എത്തിയിരുന്നു . ശുഭ്രവസ്ത്രധാരികളായി ചുണ്ടില്‍ തക്ബീര്‍ ധ്വനികളുടെ മന്ത്രോച്ചാരണവുമായി , ജീവിതയുസ്സു മുഴുവന്‍ മനസ്സില്‍ കൊണ്ട് നടന്ന ഹജ്ജു എന്ന സ്വപ്നം സാക്ഷാല്‍കരിക്കാനുള്ള അവസരം കൈവന്ന സന്തിഷത്തോടെയാണ് ലക്ഷകണക്കിന് തീര്‍ഥാടകര്‍ ലക്ഷങ്ങള്‍ മിനായിലേക്ക് എത്തിയത് . ഇതോടെ ഹജ്ജു ദിവസങ്ങളിലെ ഹാജിമാരുടെ ആവാസ കേന്ദ്രമായ മിനാ ഉണര്‍ന്നു കഴിഞ്ഞു . ഇനിയുള്ള ദിവസങ്ങളില്‍ മിനായില്‍ ലബ്ബയ്കല്ലാഹുമ്മ ലബ്ബയ്ക്ക് ..ലാ ശരീക ലക ലബ്ബയ്ക്ക്. ...(അല്ലാഹുവേ ..നിന്റ്റെ വിളിക്ക് ഉത്തരം നല്‍കി ഞങ്ങള്‍ ഇതാ എത്തിയിരിക്കുന്നു ...നിനക്കാണ് സ്തുതി . എല്ലാറ്റിന്നും അധികാരം നിനക്ക് മാത്രം .. അതിലാര്‍ക്കും ഒരു പന്ഖും ഇല്ല ... തുടങ്ങിയ മന്ത്ര ധ്വനികള്‍ മാത്രമാണ് മുഴങ്ങി കേള്‍ക്കുക